Կլոպ. Զարմացած չեմ. Լեոն համաշխարհային մակարդակի ֆուտբոլիստ է

«Լիվերպուլի» գլխավոր մարզիչ Յուրգեն Կլոպը մեկնաբանել է Չեմպիոնների լիգայի կիսաեզրափակչի առաջին խաղում «Բարսելոնայից» կրած պարտությունը (0:3):

«Ֆուտբոլն այդպիսին է…: Հարցը գոլերի մեջ է. նրանք խփեցին 3-ը, իսկ մենք՝ ոչ մի գոլ:

Շատ լավ էինք խաղում, տղաները գերազանց հանդիպում անցկացրին, բայց «Բարսելոնային» հերիք է ունենալ մի քանի գոլային պահեր: Ինձ դուր եկավ խաղը, բայց արդյունքը…:

Սա ֆուտբոլ է: Ծանր արդյունք է, բայց մենք ընդունում ենք այն:

Ինչ վերաբերում է Լեոյին, ապա ես զարմացած չեմ: Նա համաշխարհային մակարդակի ֆուտբոլիստ է»,- Կլոպի խոսքերն է մեջբերում BBC-ն: