Մոուրինիոն քաշել է «Գալաթասարայի» մարզչի քթից 🎥

Մոուրինիոն քաշել է «Գալաթասարայի» մարզչի քթից 🎥

03/04/2025 - 11:52

Թուրքիայի գավաթի խաղարկության քառորդ եզրափակիչում «Ֆեներբախչեն» Ստամբուլի գլխավոր դերբիում տնային խաղում 1:2 հաշվով պարտվել է «Գալաթասարային» և դուրս մնացել մրցաշարից։

Հանդիպման ավարտից հետո երկու ակումբների գլխավոր մարզիչներ Ժոզե Մոուրինիոյի («Ֆեներբախչե») և Օկան Բուրուկի («Գալաթասարայ») միջև կոնֆլիկտ է ծագել։

Մոուրինիոն այդ դրվագում քաշել է Բուրուկի քթից։ Վերջինն ընկել է և մի քանի վայրկյան դեմքը փակած պառկած մնացել։

Հանդիպման գլխավոր մրցավար Ջիհան Այդինը կրքերը հանդարտեցնելու համար ստիպված է եղել կարմիր քարտեր բաժանել։ Պատժվել են Մոուրինիոն, «Ֆեներբախչեի» կիսապաշտպան Մերթ Հական Յանդաշը և «Գալաթասարայի» ֆուտբոլիստներ Բարիս Ալպեր Յիլմազն ու Քերեմ Դեմիրբայը։

Նշենք, որ «Գալաթասարայը» հաղթել է ակումբում վարձավճարով հանդես եկող նիգերիացի անվանի հարձակվող Վիկտոր Օսիմենի դուբլի շնորհիվ։ Ֆուտբոլիստի տրանսֆերային իրավունքը պատկանում է իտալական «Նապոլիին»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023