Մյուլերը կրկնել է Կասիլիասի ու Խավիի ցուցանիշը

Չեմպիոնների լիգայի կիսաեզրափակիչի առաջին խաղում Մյունխենի «Բավարիան» «Ալիանց Արենա» մարզադաշտում մրցեց Մադրիդի «Ռեալի» դեմ. գրանցվեց 2:2 հաշիվը։

Մյունխենյան ակումբի կազմից հանդիպմանը մասնակցեց նաև Թոմաս Մյուլերը, որը Չեմպիոնների լիգայում անցկացնում էր 150-րդ հանդիպումը։

OptaFranz-ը գրում է, որ Մյուլերը դարձել է միայն երրորդ ֆուտբոլիստը, որը մեկ ակումբի կազմում 150 և ավելի հանդիպում է անցկացրել Չեմպիոնների լիգայում։

Այդ ցուցանիշով 34-ամյա ֆուտբոլիստը կրկնել է Իկեր Կասիլիասի («Ռեալ Մադրիդ», 150) և Խավիի («Բարսելոնա», 151) ցուցանիշը։

Գերմանացի կիսապաշտպանը Չեմպիոնների լիգայի 150 խաղում խփել է 54 գոլ, կատարել 33 գոլային փոխանցում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am