Միջմայրցամաքային գավաթ. Բոտաֆոգոն ֆիասկոյի է ենթարկվել և պարտվել խոշոր հաշվով 🎥

Կատարի մայրաքաղաք Դոհայի «974» մարզադաշտում կայացել է Միջմայրցամաքային գավաթի խաղարկության քառորդ եզրափակիչի երկրորդ դիմակայությունը, որտեղ մրցել են Լիբերտադորեսի գավաթակիր «Բոտաֆոգոն» (Բրազիլիա) և ԿՈՆԿԱԿԱՖ-ի Չեմպիոնների գավաթակիր, մեքսիկական «Պաչուկան»։

«Պաչուկան» կարողացել է խոշոր անակնկալ մատուցել և «Բենֆիկային» իսկական ֆիասկոյի ենթարկել ու հաղթել 3:0 հաշվով։

Գիլերմո Ալմադայի գլխավորած թիմից երկրորդ կեսում մեկական գոլ են խփել Ուսամա Իդրիսին, Նելսոն Դեոսան և Սալոմոն Ռոնդոնը։

Մեքսիկայի Իդալգո նահանգը ներկայացնող ակումբը դուրս եկավ մրցաշարի կիսաեզրափակիչ և մրցելու է Աֆրիկայի Չեմպիոնների լիգայի հաղթող «Ալ Ահլիի» (Եգիպտոս) դեմ։ Հանդիպումը կայանալու է դեկտեմբերի 14-ին։

Մրցաշարին մասնակցելու է նաև ՈՒԵՖԱ-ի Չեմպիոնների լիգայի գավաթի գործող դափնեկիր Մադրիդի «Ռեալը», որը պայքարն սկսելու է եզրափակիչից։

Նշենք, որ սա Միջմայրցամաքային գավաթի առաջին խաղարկությունն է 20 տարվա դադարից հետո։ Այն անցկացվում է աշխարհի ակումբային առաջնության հին ձևաչափով։ Միակ փոփոխությունն այն է, որ ՈՒԵՖԱ-ի Չեմպիոնների լիգայի հաղթողը, կիսաեզրափակիչի փոխարեն, պայքարն սկում է եզրափակիչից։

Մրցաշարին մասնակցում են 6 աշխարհամասերի չեմպիոնները։ Առաջինը պայքարի մեջ եղել են Ասիայի և Օվկիանիանի Չեմպիոնների լիգայի հաղթողներ «Ալ Այինը» (Արաբական Միացյալ Էմիրություններ) և «Օքլենդ Սիթին» (Նոր Զելանդիա)։ Կողմերի միջև սեպտեմբերի 22-ին կայացած խաղում ԱՄԷ-ն ներակայացնող ակումբը ջախջախել է 6:2 հաշվով։

Հոկտեմբերի 29-ին «Ալ Այինը» մրցել է «Ալ Ահլիի» դեմ և պարտվել 0:3։

«Ալ Ահլի» – «Պաչուկա» դիմակայության հաղթող դեկտեմբերի 18-ին Կատարի Լուսայիլ քաղաքում մրցելու է «Ռեալի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից