Միլանը շարունակում է միավորներ բաժանել` Լեչչեի դեմ խաղում բաց թողնելով երկու գնդակի առավելությունը🎥

Իտական Ա սերիայի 12-րդ տուրում «Միլանը» հյուրընկալվելիս մրցեց «Լեչչեի» դեմ։

Հիմնականում հավասար պայքարում ընթացած առաջին կեսում «ռոսոներիները» կարողացան երկու գնդակի առավելություն ստանալ, որոնք իրենց անվան դիմաց գրանցեցին Օլիվիե Ժիրուն և Տիջանի Ռեյնդերսը։

Այդուհանդերձ, Ստեֆանո Պիոլիի թիմը բավական անհաջող անցկացրեց երկրորդ կեսը` թույլ տալով տանտերերին բեկել հանդիպման ընթացքը։

Ռոբերտո Դ’Ավերսայի թիմը կարողացավ շատ արագ հետ բերել երկու գնդակի կորուստը. 66-րդ րոպեին Նիկոլա Սանսոնեն նախ կրճատեց հաշվի տարբերությունը, ապա Լամեք Բանդան 70-րդ րոպեին հավասարեցրեց այն։

Խաղավերջում դարպասի նոր գրավումներ չարձանագրվեցին. հանդիպումն ավարտվեց 2:2 հաշվով։

Նշենք, որ «Միլանն» Ա սերիայի շրջանակում արդեն չորրորդ հանդիպումն է չի կարողնաում ճաշակել հաղթանակի բերկրանքը` այդ ընթացքում կրելով երկու պարտություն։

Այս ոչ-ոքիից հետո «ռոսոներիները» վաստակեցին 23 միավոր և զբաղեղնում են 3-րդ հորիզոնականը։

«Լեչչեն», 14 միավորով, 13-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am