Մի շարք անգլիական գրանդ ակումբներ հետաքրքրված են Կիմ Մին Ջեի ծառայություններով

«Նապոլիի» կենտրոնական պաշտպան Կիմ Մին Ջեն, հնարավոր է, շուտով փոխի ակումբային գրանցումը։

Ինչպես տեղեկացնում է ինսայդեր Նիկոլո Սկիրան, հարավկորեացի ֆուտբոլիստի ծառայություններով հետաքրքրված են մի շարք անգլիական գրանդ ակումբներ։

Աղբյուրի փոխանցմամբ` խոսքը «Մանչեսթեր Սիթիի», «Մանչեսթեր Յունայթեդի» և «Նյուքասլի» մասին է։

Նշվում է, որ 26-ամյա պաշտպանի ու «Նապոլիի» միջև գործող պայմանագրում առկա է հրաժարագնի կետ, որը 40 մլն եվրո է։

հատկանշական է, որ այդ կետը գործելու է 2023 թ. հուլիսից 1-ից 15-ն ընկած ժամանակահատվածում։

Կան տեղեկություններ, որ «Նապոլիի» ղեկավարներն անելու են ամեն ինչ` հրաժարագնի կետը պայմանագրից հանելու համար։

Հավելենք, որ Կիմ Մին Ջեն ընթացիկ մրցաշրջանի ավարտից առաջ է համալրել «աձուրիների» շարքերը, որի կազմում մինչ օրս անցկացրել է 42 հանդիպում` դառնալով 2 գոլի և 2 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am