Մեսսին կրկնել է Պելեի համաշխարհային ռեկորդը
19/12/2020 - 20:41
Իսպանական Լա լիգայի 14-րդ տուրի կենտրոնական հանդիպման շրջանակում «Բարսելոնան» սեփական հարկի տակ մրցում է «Վալենսիայի» դեմ։
Հանդիպման 45+4-րդ րոպեին կատալոնական ակումբի կազմում աչքի ընկավ Լեո Մեսսին՝ հաշիվը դարձնելով 1։1։
Ինչպես տեղեկացնում է OptaJose-ն, «Բարսելոնայի» կազմում արգենտինացի ֆուտբոլիստը խփել է 643-րդ գոլը, ինչը համաշխարհայի ռեկորդի կրկնություն է։ Մեկ ակումբի կազմում խփած գոլերի քանակով Մեսսին հավասարվեց Պելեին, ով «Սանթոսի» կազմում նույնպես ժամանակին խփել է 643 գոլ։ Խոսքը պաշտոնական հանդիպումների մասին է։