Մահացել է Ֆրանսիայի հավաքականի նախկին գլխավոր մարզիչը

Ինչպես տեղեկացնում է Francetvinfo-ն, 87 տարեկան հասակում մահացել է Ֆրանսիայի հավաքականի նախկին գլխավոր մարզիչ Միշել Հիդալգոն։

Հիդալգոն մահացել է Մարսելի իր տանը։ Նա եղել է հարազատների և ընտանիքի կողքին։

Հիդալգոն որպես ֆուտբոլիստ հանդես է եկել կիսապաշտպանի դիրքում՝ ներկայացնելով «Ռեյմսը», «Հավրը», ինչպես նաև «Մոնակոն»։

Որպես ֆուտբոլիստ՝ երեք անգամ դարձել է Ֆրանսիայի չեմպիոն, երկու անգամ՝ ֆրանսիայի գավաթակիր, իսկ 1956 «Ռեյմսի» կազմում մասնակցել է Չեմպիոնների գավաթի եզրափակչին՝ պարտվելով «Ռեալին»։

1984 թվակնաին Հիդալգոյի գլխավորությամբ Ֆրանսիայի հավաքականը դարձել է Եվրոպայի չեմպիոն։ Մասնագետը «եռագույնների» ղեկին եղել է 1976-1984 թթ։