Հայաստանի Մ-19 հավաքականի հարձակվողի գոլն անգլիական ակումբի կազմում 🎥
17/09/2024 - 12:09
Հայաստանի Մ-19 հավաքականի հարձակվող Ֆին Գերագուսյանն անգլիական «Սանդերլենդի» Մ-18 թիմի կազմում գոլի հեղինակ է դարձել։
Հարձակվողն ակումբի կազմում մասնակցել է Անգլիայի Մ-18 առաջնության «Միդլսբրոյի» դեմ խաղին (3:0) և 24-րդ րոպեին գրավել մրցակցի դարպասը։
«Սանդերլենդը» Անգլիայի Մ-18 առաջնությունում անցկացրած 3 խաղում էլ հաղթել է և 9 միավորով հյուսիսային գոտու երրորդ տեղում է։
Ֆին Գերագուսյանն այս տարվա սեպտեմբերի 7-ին նորամուտն է նշել Հայաստանի Մ-19 հավաքականում և Լիտվայի դեմ ընկերական խաղում դարձել է գոլի հեղինակ` օգնելով 2:1 հաշվով կամային հաղթանակ տանել։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից