Հայտնի է դարձել Հայաստանի հավաքականի գլխավոր մարզչի հիմնական թեկնածուն

Ինչպես արդեն տեղեկացրել էինք, Հայաստանի ազգային հավաքականի գլխավոր մարզիչ Աբրահամ Խաշմանյանի և ՀՖՖ-ի միջև պայմանագիրը երկկողմ համաձայնությամբ խզվել է։

Մամուլում արդեն շոշափվում են մի շարք մասնագետների անուններ, որոնք կարող են գլխավորել մեր ազգային հավաքականը։ Armsport.am-ի փոխանցմամբ՝ Հայաստանի ֆուտբոլի ֆեդերիացիան բանակցություններ է վարում «Ռեալ Մադրիդի» նախկին գլխավոր մարզիչ Սանտիագո Սոլարիի հետ։ Հատկանշական է, որ հենց Սոլարին է համարվում հավաքականը գլխավորելու հիմնական թեկնածուն։

Հիշեցնենք, որ մարտ ամսի վերջին Հայաստանի հավաքականը երկու արտագնա ընկերական հանդիպում ունի ացնկացնելու․ մատրի 26-ին մեր հավաքականը ուժերը կչափի Ուզբեկստանի հավաքականի հետ, իսկ մարտի 30-ին՝ Ղազախստանի հավաքականի։