Կունցը շուտով կհեռացվի Թուրքիայի հավաքականի գլխավոր մարզչի պաշտոնից

Թուրքիայի հավաքականում շուտով մարզչական փոփոխություն տեղի կունենա։

Ինսայդեր Նիկոլո Սկիրան հայտնում է, որ Թուրքիայի ֆուտբոլի ֆեդերացիան որոշել է պաշտոնանկ անել հավաքականի ներկայիս գլխավոր մարզիչ Շտեֆան Կունցին։

Նշենք, որ դեռևս Եվրո-2024-ի որակավորման փուլի 5-րդ տուրում Հայաստանի հավաքականի դեմ կայացած խաղից (1:1) հետո թուրքական ԶԼՄ-ները մեծ աղմուկ էին բարձրացրել` պահանջելով գերմանացի մասնագետի հրաժարականը։

Այդ հանդիպումից հետո Մեհմեթ Բույուքշեկը չէր թաքցրել իր հիասթափությունը և ակնհայտ դժգոհություն էր հայտնել գրանցված արդյունքից։

Արդեն կան խոսակցություններ, որ Թւորքիայի հավաքականը գլխավորելու է Աբդուլահ Ավչին, ով այդ պաշտոնն արդեն զբաղեցնրել է 2011-13 թթ.։

Հավելենք, որ Շտեֆան Կունցը Թուրքիայի հավաքականի գլխավոր մարզչի պաշտոնը զբաղեցնում է 2021 թ. սեպտեմբերից։

Այդ ընթացքում Թուրքիայի հավաքականն անցկացրել է 20 հանդիպում, տոնել 12 հաղթանակ, կրել 5 պարտություն, 3 անգամ էլ գրանցել ոչ-ոքի։

Ավելացնենք, որ Եվրո-2024-ի որակավորկան փուլում Թուրքիայի հավաքականը անցկացրած 5 խաղից հետո վաստակել է 10 միավոր և D խմբի շրջանակում զբաղեցնում է 2-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am