Կումանին նկատել են Բարսելոնայի օդանավակայանում🎥
Երեկ՝ օգոստոսի 16-ին, Նիդեռլանդների հավաքականի գլխավոր մարզիչ Ռոնալդ Կումանին նկատել են Բարսելոնայի օդանավակայանում։
Այդ ամենը հաստատող տեսանյութը հրապարակել է El Chiringuito-ն։
Ինչպես տեղեկացնում է Sport.es -ը, հենց Ռոնալդ Կումանն է համարվում «Բարսելոնան» գլխավորելու հիմնական թեկնածուն։ Այդ ամենն ավելի իրատեսական է դառնում այն բանից հետո, երբ ակումբի նախագահ Խոսեպ Մարիա Բարտոմեուն հայտարարեց, որ ներկայիս գլխավոր մարզիչ Կիկե Սետիենը հեռացվել է զբաղեցրած պաշտոնից։
Այդ նշանակմանը կարող է խանգարել միայն այն փաստը, որ Նիդեռլանդների հավաքականը Ռոնալդ Կումանի գլխավորությամբ 2021 թվականին պետք է մասնակցի Եվրոպայի առաջնության եզրափակիչ փուլին։
Աղբյուրի փոխանցմամբ՝ հոլանդացի մասնագետը չի ցանկանա պայմանագիր կնքել ընդամենը 10 ամսով, և նա կցանակար ավելի երկարաժամկետ համաձայնագիր ստորագրել հարազատ ակումբի հետ։
Սպասվում է, որ այսօր՝ օգոստոսի 17-ին, «Բարսելոնայի» տնօրենների խորհրդի արտահերթ նիստ տեղի կունենա, որի ընթացքում քննարկվելու է ակումբի ապագան։
# Բարսելոնա, Խոսեպ Մարիա Բարտոմեու, Կիկե Սետիեն, Հոլանդիայի հավաքական, Ռոնալդ Կուման