Կոպա Ամերիկա. Կոլումբիան ֆանտաստիկ խաղով ջախջախեց Պանամային` դուրս գալով կիսաեզրափակիչ 🎥

Ամերիկայի գավաթի քառորդ եզրափակիչում Կոլումբիայի հավաքականը մրցեց Պանամայի դեմ։

Կոլումբացիները ֆանտաստիկ հանդիպում անցկացրին` մրցակցին ջախջախելով 5:0 հաշվով։

Հանդիպման հերոս դարձավ Մադրիդի «Ռեալի» ու Մյունխենի «Բավարիայի» նախկին կիսապաշտպան Խամես Ռոդրիգեսը, որը դարձավ մեկ գոլի ու երկու գոլային փոխանցում։

32-ամյա ֆուտբոլիստը մրցաշարում խփել է 1 գոլ ու կատարել արդեն 5 գոլային փոխանցում։

«Լոս կաֆետերոսից» մեկական անգամ էլ աչքի ընկան Ջոն Կորդոբան, Լուիս Դիասը, Ռիչարդ Ռիոսն ու Միգել Բորխան։

Կոլումբիայի հավաքականը շարունակում է մնալ անպարտելի։ Նեստոր Լորենսոյի գլխավորած թիմն արդեն 27 խաղ է չի ճաշակում պարտության դառնությունը։ «Լոս կաֆետերոսը» վերջին անգամ պարտվել է 2022 փետրվարի 2-ին` ԱԱ-2022-ի որակավորման փուլի 16-րդ տուրում զիջելով Արգենտինային (0:1)։

Այպիսով, Կոլումբիան դուրս եկավ մրցաշարի կիսաեզրափակիչ, որտեղ կմրցի Ուրուգվայի թիմի դեմ։ Պանաման լքեց պայքարը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am