ԿՈՆԿԱԿԱՖ-ի ՉԼ. Սուարեսի ու Մեսիի գոլերի շնորհիվ «Ինտեր Մայամիին» դուրս եկավ 1/4 եզրափակիչ 🎥
Հյուսիսային ու Կենտրոնական Ամերիկայի և Կարիբյան ավազանի` ԿՈՆԿԱԿԱՖ-ի գոտու Չեմպիոնների լիգայի 1/8 եզրափակիչի պատասխան խաղում «Ինտեր Մայամին» մրցակցի դաշտում մրցել է Ճամայկան ներկայացնող «Կավալիերի» դեմ։
Հիշեցնենք, որ դիմակայության առաջին խաղում ՄԼՍ-ում հանդես եկող ամերիկյան թիմը հաղթել էր 2:0 հաշվով։
Պատասխան խաղում Խավիեր Մասկերանոյի գլխավորած թիմը կրկին հաղթեց նույն հաշվով։
«Ինտեր Մայամիից» աչքի ընկան Լուիս Սուարեսն ու Լիոնել Մեսին։
«Ոսկե գնդակի» 8-ակի դափնեկիր Մեսին բաց էր թողել իր թիմի նախորդ երեք հանդիպումը։
Հավելենք, որ «Ինտեր Մայամին» մրցաշարի քառորդ եզրափակիչում ամերիկյան դիմակայություն կունենա «Լոս Անջելեսի» հետ։ Առաջին հանդիպումը կկայանա ապրիլի 3-ին, պատասխան խաղը` ապրիլի 10-ին։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից