«Կիլիանն է հարվածողը, ինձ միևնույն է» Վինիսուսը` Տոռեսին

Իսպանիայի Լա լիգայի 10-րդ տուրում կայացած «Էլ Կլասիկոյի» ժամանակ Մադրիդի «Ռեալի» վինգեր Վինիսիուսը և «Բարսելոնայի» հարձակվող Ֆերան Տոռեսը կարճ երկխոսություն են ունեցել, հայտնում է Marca-ն։

52-րդ րոպեին, երբ Կիլիան Մբապեն գնդակը վերցրել է` 11-մետրանոցն իրացնելու, Տոռեսը մոտեցել է և Վինիսիուսին հարցրել. «Դու այլևս չե՞ս իրացնում»։ Բրազիլացին պատասխանել է. «Կիլիանն է հարվածողը, ինձ միևնույն է»։

Այդ դրվագում Մբապեն չի կարողացել աչքի ընկնել նշակետից. «Բարսելոնայի» դարպասապահ Վոյցեխ Շյեսնին հետ է մղել ֆրանսիացու իրացրած 11-մետրանոցը։

«Ռեալը» սկզբունքային մրցավեճում 2:1 հաշվով հաղթել է «Բարսելոնային» և 27 միավորով Լա լիգայի առաջատարն է։ «Բլաուգրանան» 22 միավորով երկրորդ տեղն է զբաղեցնում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am