Կապառոսը ռեկորդային ցուցանիշ գրանցեց հավաքականի ղեկին

Ազգրերի լիգայի 2020/21 խաղարկության վերջին՝ 6-րդ տուրի շրջանակում Հայաստանի հավաքականը Նիկոսիայի GSP մարզադաշտում 1։0 հաշվով առավելության հասավ Հյուսիսային Մակեդոնիայի հավաքականի նկատմամբ՝ նվաճելով մրցաշարի B դիվիզիոնի ուղեգիր։

Ինչպես տեղեկացնում է Հայաստանի ֆուտբոլի ֆեդերացիայի մամուլի ծառայությունը, Հայաստանի հավաքականն արդեն 5-րդ խաղն անընդմեջ անպարտելի է, ինչը ռեկորդային ցուցանիշ է։

Աղբյուրի փոխանցմամբ՝ Խոակին Կապառոսն առաջին մարզիչն է, ում գլխավորությամբ մեր ընտրանին չի պարտվում 5 անընդմեջ խաղում, ընդ որում, այդ 5 խաղերից 3-ում մեր թիմը հաղթել է։