Կազեմիրո. Մեր հարձակվողները հիանալի աշխատանք կատարեցին

Բրազիլիայի հավաքականի կիսապաշտպան Կազեմիրոն խոսել է Ամերիկայի գավաթի կիսաեզրափակչում Արգենտինայի հավաքականի նկատմամբ տարած հաղթանակի մասին:

«Մենք գիտեինք, որ դժվար է լինելու, քանի որ մրցակիցը հիանալի ֆուտբոլիստներ ունի:

Մենք գիտեինք, որ խաղը սկանդալային կստացվի, որ կլինեն հնարքներ և ժամանակի ձգձգումներ:

Հարկավոր է շնորհակալություն հայտնել մեր հարձակվողներին, նրանք հիանալի աշխատանք կատարեցին: Նրանք բաց չեն թողնում իրենց հնարավորությունները:»,- Կազեմիրոյի խոսքերն է մեջբերում Reuters-ը:

Եզրափակչում Բրազիլիայի հավաքականը կմրցի Չիլի-Պերու զույգի հաղթողի հետ: