Խամես. «Կոլումբիան աշխարհի լավագույն երեք հավաքականներից մեկն ունի»

Իսպանական «Ռայո Վալեկանոյի» կիսապաշտպան Խամեզ Ռոդրիգեսը կարծում է, որ Կոլումբիան աշխարհի լավագույն երեք հավաքականներից մեկն ունի.

«Այս պահին Կոլումբիան աշխարհի լավագույն հավաքականներից մեկն ունի։ Մենք նախորդ խաղերում հաղթել ենք Գերմանիային, Բրազիլիային, Արգենտինային, Իսպանիային և Ուրուգվային։ Մեզ դուր է գալիս խաղալ բարձրակարգ հավաքականների դեմ։ Մենք ունենք շատ որակյալ կազմ, որը գիտի ինչպես հաջողության հասնել»,- 33-ամյա ֆուտբոլիստի խոսքը մեջբերում է Marca-ն։

Նշենք, որ Կոլումբիան ՖԻՖԱ-ի դասակարգման աղյուսակում այժմ զբաղեցնում է 12-րդ տեղը։

Խամես Ռոդրիգեսը «լոս կաֆետերոսի» կազմում անցկացրել է 112 հանդիպում, խփել 29 գոլ, կատարել 35 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից