Խավին խոսել է Դե Յոնգի ու Պեդրիի վնասվածքների մասին

Իսպանական Լա լիգայի 27-րդ տուրում «Բարսելոնան» հյուրընկալվելիս մրցեց «Ատլետիկ Բիլբաոյի» դեմ. գրանցվեց 0:0 հաշիվը։

Հանդիպման առաջին խաղակեսում կատալոնական ակումբից վնասվածքների պատճառով փոխարինվեցին կիսապաշտպաններ Ֆրենկի դե Յոնգն ու Պեդրին։

Հանդիպումից հետո «բլաուգրանայի» գլխավոր մարզիչ Խավին խոսել է ֆուտբոլիստների առողջական վիճակի մասին.

«Նրանց վնասվածքները կարծես թե լուրջ են։ Ֆուտբոլիստները լավ տեսք չունեին։

Տխուր ենք, քանի որ կարծում եմ` նրանք երկար ժամանակով կբացակայեն»,- մեջբերում է ինսայդեր Ֆաբրիցիո Ռոմանոն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am