Մեսսի. Հիանալի կլիներ, եթե Ռոնալդուն մնար Ռեալում
29/03/2019 - 20:48
Լիոնել Մեսսին կցանկանար, որ Կրիշտիանու Ռոնալդուն «Ռեալից» չտեղափոխվեր «Յուվենտուս»:
«Շատ հաճելի էր Ռոնալդուի դեմ խաղալ, թեկուզ և դա դժվար էր:
Ինձ դուր էր գալիս մրցանակներ նվաճել, երբ Ռոնալդուն «Ռեալում» էր»: Հիանալի կլիներ, եթե նա հիմա լիներ Մադրիդում:
Մեծ հարգանքով եմ վերաբերվում «Յուվենտուսին»: Նրանք ունեն հիանալի խաղացողներ, ուժեղ թիմ, իսկ Ռոնալդուի գալուց հետո ավելի ուժեղացան:
Նրանք դարձան ՉԼ-ի ֆավորիտներից՝ հաղթելով «Աթլետիկոյին»: Հուսով եմ՝ մենք էլ ենք այդ շարքում:
Աշխարհի լավագույն ֆուտբոլիստնե՞րը. կան շատ լավ ֆուտբոլիստներ՝ Նեյմարը, Մբապեն, Սուարեսը, Ազարը: Նրանցից ցանկացածը կարող է լինել լավագույնը, բայց ես Ռոնալդուին առանձնացրել եմ այդ խմբից. նա ինձ հետ է»,- ասել է Մեսսին Club 947FM-ին տված հարցազրույցում:
# Բարսելոնա, Լիոնել-Մեսսի, Կրիշտիանու-Ռոնալդու, Ռեալ