Լաուտարոյի շրջադարձ հարվածով խփած ֆանտաստիկ գոլը հաղթանակ է պարգևել Արգենտինային 🎥

Աշխարհի 2026 թ. առաջնության Հարավային Ամերիկայի գոտու որակավորման փուլի 12-րդ տուրում Արգենտինայի հավաքականը Բուենոս Այրեսի «Բոմբոներա» մարզադաշտում մրցել է Պերուի դեմ։

Հանդիպման ընթացքում գրանցվել է դարպասի մեկ գրավում. «ալբիսելեստեն» հաղթել է 1:0 հաշվով։

Լիոնել Սկալոնիի գլխավորած թիմից 55-րդ րոպեին աչքի է ընկել Միլանի «Ինտերի» հարձակվող Լաուտարո Մարտինեսը, որն աչքի է ընկել շրջադարձ ֆանտաստիկ հարվածով։

Աշխարհի գործող չեմպիոն Արգենտինան վաստակել է 25 միավոր և ԿՈՆՄԵԲՈԼ-ի գոտու որակավորման փուլի մրցաշարային աղյուսակի առաջատարն է։ Պերուն հավաքել է 7 միավոր և զբաղեցնում է վերջին` 10-րդ տեղը։

Հիշեցնենք, որ այս գոտուց աշխարհի առաջնության ուղեգիր նվաճելու են լավագույն 6 հավաքականները, իսկ 7-րդ տեղը գրաված թիմը մասնակցելու է միջմայրցամաքային անցումային հանդիպման։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից