Թրիլլեր Բերգամոյում. Ատալանտան 90+5-րդ րոպեին հաղթանակ կորզեց Միլանից 🎥
10/12/2023 - 10:35
Իտալական Ա սերիայի 15-րդ տուրում «Ատալանտան» Բերգամոյում սեփական հարկի տակ մրցեց «Միլանի» դեմ։
Առաջ ընկնելով` նշենք, որ թրիլլերային պայքարում ընթացած խաղում տանտերերը հաղթեցին 3:2 հաշվով։
Ջան Պիերո Գասպերինիի թիմից երկու անգամ աչքի ընկավ Ադեմոլա Լուքմանը, մեկ գոլ էլ խփեց Լուիս Մուրիելը, ով բերգամասկներին հաղթանակ պարգևեց 90+5-րդ րոպեին։
«Ռոսոներիների» կազմից էլ աչքի ընկան Օլիվիե Ժիրուն և Լուկա Յովիչը։
Այս հաղթանակից հետո «Ատալանտան» վաստակեց 23 միավոր` հարձրանալով 7-րդ հորիզոնական։
«Միլանը», 29 միավորով, 3-րդն է։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am