Թարս ապտակ հարևաններից! Հայաստանի հավաքականի ջախջախիչ պարտությունը Վրաստանից 🎥

Ազգերի լիգայի խաղարկության B/C դիվիզիոնների անցումային փլեյ-օֆֆ-ի պատասխան խաղում Հայաստանի հավաքականը Թբիլիսիում մրցեց Վրաստանի թիմի դեմ։

Հիշեցնենք, որ դիմակայության առաջին խաղում Հայաստանի հավաքականը պարտվել էր 0:3 հաշվով։

Պատասխան խաղում Ջոն վան’տ Սխպի գլխավորած թիմն էլ ավելի վատ հանդես եկավ և 1:6 հաշվով ջախջախիչ պարտություն կրեց։

Վրացիներից դուբլ ձևակերպեց Ժորժ Միկաուտաձեն, մեկական գոլ խփեցին Օթար Կիտեիշվիլին, Գիորգի Չակվետաձեն և Խվիչա Կվարացխելիան, իսկ Վարազդատ Հարոյանը գրավեց սեփական դարպասը։

Հայաստանի հավաքականի հեղինակության գոլը խփեց Էդգար Սևիկյանը, որն աչքի ընկավ շրջադարձ հիասքանչ հարվածով։

Այսպիսով, Վրաստանի հավաքականն ընդհանուր դիմակայությունում հաղթեց 9:1 հաշվով և կշարունակի հանդես գալ Ազգերի լիգայի խաղարկության B լիգայում։ Հայաստանի հավաքականն էլ մնաց C դիվիզիոնում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից