Հալանդը՝ անգլիական գրանդի տրանսֆերային գլխավոր թիրախ

Ինչպես հաղորդում է Goal-ը՝ հղում անելով Sky Sport Italia-ին, Դորտմունդի «Բորուսիայի» երիտասարդ հարձակվող Էրլինգ Հալանդը դարձել է անգլիական «Չելսիի» գլխավոր տրանսֆերային նպատակը։

Աղբյուրի հաղորդմամբ`լոնդոնյան ակումբը կփորձի ձեռք բերել նորվեգացի ֆուտբոլիստին ամառային տրանսֆերային պատուհանի ժամանակ։

Վերջերս հարձակվողն արժանացավ «Golden Boy» մրցանակին, որը տրվում է եվրոպական երկրների բարձրագույն դիվիզիոնում հանդես եկեղ մինչև 21 տարեկան լավագույն ֆուտբոլիստին։

Հիշեցնենք , որ Հալանդը գերմանական ակումբ տեղափոխվեց 2020 թվականի հունվարին ավստրիական «ՌԲ Զալցբուրգից» 20 միլիոն եվրոյի դիմաց։

Ընթացիկ մրցաշրջանում Գերմանիայի առաջնությունում երիտասարդ գոլահարը մասնակցել է 8 հանդիպման՝ դառնալով 10 գոլի և 2 գոլային փոխանցման հեղինակ։ Ինչպես նաև՝ Չեմպիոնների լիգայի 4 հանդիպումներում նրա ակտիվում կա 6 գնդակ։