Էվերտոնը բանակցություններ է սկսել Տիագո Սիլվայի հետ
14/06/2020 - 15:47
Ինչպես արդեն հայտնի է, ՊՍԺ-ի ավագ Տիագո Սիլվան հեռանալու է ակումից։ Փարիզյան ակումբը չի առաջարկելու նոր պայմանագիր, և խաղացողը կհեռանա որպես ազատ գործակալ։
Ինչպես տեղեկացնում է իտալացի լրագրող Նիկոլո Սկիրան, խաղացողին ցանկանում է ձեռք բերել «Էվերտոնը»։
««Էվերտոնն» արդեն սկսել է բանակցել խաղացողի ներկայացուցիչների հետ, ում պայմանագիրը ՊՍԺ-ի հետ ավարտվում է սույն թվականի հունիսի վերջին։ Այս տրանսֆերի հարցում վճռորոշ դեր կարող է խաղալ այն, որ «Էվերտոնի» գլխավոր մարզիչը Կառլո Անչելոտին է, ում գլխավորությամբ Տիագո Սիլվան հանդես է եկել «Միլանի» և ՊՍԺ-ի կազմում»,- գրել է լրագրողը։
Ավելի վաղ հայտնի էր դարձել, որ 35-ամյա անձամբ հետաքրքրված է իր նախկին երկու ակումբներից մեկը՝ «Ֆլումինենսե» կամ «Միլան» վերադառնալու տարբերակներով։
# Էվերտոն, Միլան, Նիկոլո Սկիրա, ՊՍԺ, Տիագո Սիլվա, տրանսֆերներ, Ֆլումինենսե