Էդուարդո Կամավինգան լքել է Ֆրանսիայի հավաքականի ճամբարը

Ինչպես տեղեկացնում է ինսայդեր Ֆաբրիցիո Ռոմանոն, Ֆրանսիայի հավաքականի կազմում հերթական մարզումներից մեկի ժամանակ «Ռեալ Մադրիդի» կիսապաշտպան Էդուարդո Կամավինգան ծնկի վնասվածք է ստացել։

Աղբյուրի փոխանցմամբ` 20-ամյա ֆուտբոլիստն արդեն լքել է «եռագույնների» ճամբարը և միացել «արքայալան» ակումբին։

Ռոմանոն հաստատում է, որ ըստ նախնական տեղեկությունների, Կամավինգայի վնասվածքը լուրջ չէ, սակայն սպասվում է, որ վերջինս Մադրիդում այսօր` նոյեմբերի 16-ին, լրացուցիչ բուժզննում կանցնի ինչպես «Ռեալի», այնպես էլ Ֆրանսիայի հավաքականի համար։

Հավելենք, որ Եվրո-2024-ի որակավորման փուլի շրջանակում Ֆրանսիայի հավաքականը նոյեմբերի 18-ին կմրցի Ջիբրալթարի, իսկ նոյեմբերի 21-ին` Հունաստանի դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am