Երբ ջախջախում ես մրցակցիդ, սակայն արդեն ամեն ինչ ուշ է?

Կայանում է իսպանական Լա լիգայի վերջին՝ 38-րդ տուրը։

Չեմպիոնական մրցավազքը տապալած «Բարսելոնան» առաջնության վերջին խաղում մրցեց որևէ մրցաշարային խնդիր չունեցող «Ալավեսի» դեմ։ Հանդիպման ողջ ընթացքում կատալոնական ակումբի ֆուտբոլիստները ունեին առավելություն, ինչի արդյունքում 5 անպատսխան գնդակ ուղարկեցին բասկյան ակումբի դարպասը։

«Բարսելոնայի» կազմից դուբլի հեղինակ դարձավ Լեո Մեսսին, ով առաջնությունը եզրափակեց 25 խփած գնդակով, և ամենայն հավանականությամբ, հերթական անգամ կնվաճի «Պիչչիի» մրցանակը։ «Բլաուգրանասի» կազմից էլ մեկական անգամ աչքի ընկան Անսու Ֆաթին, Նելսոն Սեմեդուն և Լուիս Սուարեսը։

Հավելենք, որ «Բարսելոնան» վաստակեց 82 միավոր և առաջնությունը եզրափակեց երկրորդ հորիզոնականում, իսկ «Ալավեսը» 39 միավորով մնաց 16-րդ տեղում։

Ավարտվել է ևս երկու հանդիպում․

«Վիլյառեալ» 4։0 «Էյբար»

«Վայլադոլիդ» 2։0 «Բետիս»