ԵԼ. Ֆրայբուրգը ֆանտաստիկ comeback արեց Լանսի դեմ խաղում 🎥
Եվրոպա լիգայի 1/16 եզրափակիչի պատասխան խաղում «Ֆրայբուրգը» սեփական մարզադաշտում մրցեց «Լանսի» դեմ։
Դիմակայության առաջին խաղում կողմերը գոլեր չէին խփել։
Պատասխան հանդիպումն անցավ անչափ հետաքրքիր և թրիլերային սցենարով։
Առաջին կեսում ֆրանսիական ակումբն Էլյե Վայիի ու Դավիդ դա Կոստայի խփած գոլերի շնորհիվ հաղթում էր 2:0 հաշվով։
Այդուհանդերձ, տանտերերը կարողացան իրենց մեջ ուժ գտնել ու փրկել հանդիպումն` այն տեղափոխելով լրացուցիչ ժամանակ։
Քրիստիան Շտրայխի թիմից դուբլի հեղինակ դարձավ Ռոլանդ Շալայը, ով երկրորդ պատասխան գոլը խփեց 90+3-րդ րոպեին։
Լրացուցիչ ժամանակում գերմանացիները նաև կարողացան հաղթանակ կորզել. 99-րդ րոպեին հերոսացավ Միխայիլ Գրեգորիչը։
Այսպիսով, «Ֆրայբուրգը» ֆանտաստիկ comeback արեց, հաղթեց 3:2 հաշվով` դուրս գալով Եվրոպա լիգայի 1/8 եզրափակիչ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am