ԵԼ. Մանչեսթեր Յունայթեդն անակնկալ ոչ-ոքի է գրանցել Տվենտեի հետ 🎥

Եվրոպա լիգայի հիմնական փուլի առաջին տուրում «Մանչեսթեր Յունայթեդը» տանը մրցեց Նիդերլանդները ներկայացնող «Տվենտեի» դեմ։

Չնայած «կարմիր սատանաները» հանդիպման մեծ մասում ունեին խաղային առավելություն, չկարողացան կոտրել մրցակցի դիմադրությունը. գրանցվեց անակնկալ ոչ-ոքի` 1:1։

Էրիկ Տեն Հագի գլխավորած թիմից 35-րդ րոպեին հաշիվը բացեց Քրիստաին Էրիկսենը, որին մրցակիցը 68-րդ րոպեին պատասխանեց Սեմ Լամերսի դիպուկ հարվածով։

Ակումբներն առաջին միավորը վաստակեցին Եվրոպա լիգայի հիմնական փուլում։ «Յունայթեդը» մրցաշարում հաջորդ հանդիպում անցկացնելու է հոկտեմբերի 3-ին և մրցակցի դաշտում մրցելու է «Պորտուի» դեմ, իսկ «Տվենտեն» նույն օրը կընդունի Ժոզե Մոուրինիոյի գլխավորած թուրքական «Ֆեներբախչեին»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից