ԵԼ. Բիչախչյանի «Լեգիայի» ու Սերոբյանի «Շերիֆի» մրցակիցները որակավորման առաջին փուլում 📸
ՈՒԵՖԱ-ի շտաբ-բնակարանում` Շվեյցարիայի Նիոն քաղաքում կայացել է Եվրոպա լիգայի որակավորման առաջին փուլի վիճակահանությունը։
Լեհաստանի գավաթակիր Վարշավայի «Լեգիան», որի կազմում հանդես է գալիս Հայաստանի ազգային հավաքականի կիսապաշտպան Վահան Բիչախչյանը, մրցաշարի այդ փուլում կմրցի ղազախական «Ակտոբեի» դեմ։
Դիմակայության առաջին հանդիպումը կկայանա հուլիսի 10-ին Վարշավայում, պատասխան խաղը` հուլիսի 17-ին Ղազախստանում։
Մոլդովայի գավաթակիր «Շերիֆը», որի կազմում էլ խաղում է Հայաստանի հավաքականի մեկ այլ կիսապաշտպան Արթուր Սերոբյանը, պայքարը կսկսի Կոսովոն ներկայացնող «Պրիշտինայի» դեմ դիմակայությունով։
Առաջին խաղը հուլիսի 10-ին կկայանա Տիրասպոլում, իսկ պատասխան մրցավեճը` հուլիսի 17-ին Կոսովոյի մայրաքաղաքում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից