Եգիպտացի փարավոնի փայլուն դուբլը․ Լիվերպուլ 2։0 Վոթֆորդ?
14/12/2019 - 18:31
Մեկնարկեց անգլիական Պրեմիեր լիգայի 17-րդ տուրը։ Սեփական հարկի տակ շարունակում է փայլել «Լիվերպուլը»՝ 2։0 հաշվով հաղթելով հետնապահ «Վոթֆորդին»։
Տատներերին հաղթանակ պարգևեց Մո Սալահի դուբլը։ Հատկապես գեղեցիկ ստացվեց նրա երկրորդ գոլը, որը Սալահը հեղինակեց կրնկով կատարած հիանալի հարվածով։
«Լիվերը» վաստակեց 49 միավոր և վստահորեն շարունակում է գլխավորել մրցաշարային աղյուսակը։ «Վոթֆորդը» 9 միավորով անհույս եզրափակում է մրցաշարային աղյուսակը։
Հիշեցնենք, որ այս խաղից հետո, Յուրգեն Կլոպպի սաները մեկնելու են Քաթար՝ մասնակցելու Աշխարհի ակումբային առաջնությանը, և ԱՊԼ-ի հաջորդ տուրի իրենց հանդիպումը բաց են թողնելու։
# ԱՊԼ, Լիվերպուլ, Մոհամեդ-Սալահ, Վոթֆորդ