Դիեգո Սիմեոնե. Շատ եմ գնահատում այն, ինչ 5 տարում Գրիզմանն արեց Աթլետիկոյում
20/07/2019 - 15:59
«Աթլետիկոյի» գլխավոր մարզիչ Դիեգո Սիմեոնեն խոսել է Անտուան Գրիզմանի «Բարսելոնա» տեղափոխվելու մասին:
«Սա կարևոր պահ է նրա կարիերայում: Նա տեղափոխվել է բացառիկ թիմ:
Ես շատ եմ գնահատում այն, ինչ 5 տարում Գրիզմանն արեց ակումբում: Ես շնորհակալ եմ այն մարդկանց, ովքեր խաղացել են մեզ մոտ, բայց որոշել են գնալ: Մարդիկ սովորաբար հիշում են վերջին գործողությունները, բայց ես այդպիսին չեմ:
Երբ Գրիզմանը տեղափոխվեց մեզ մոտ, նա խաղում էր եզրում: Ես ասացի նրան, որ նրան պետք է փորձել խաղալ կենտրոնում, նա ինձ հասկացավ և արեց այնպես, ինչպես ես խնդրել էի: Նման բաներն ինձ որպես մարզչի երջանիկ են դարձնում:
Ես շատ եմ սիրում նրան և հիանալի հարաբերություններ ունեմ նրա և իր ընտանիքի հետ:»,- Սիմեոնեի խոսքերն է մեջբերում Mundo Deportivo-ն: