Գարեթ Բեյլի գործակալ․ «Բեյլը աշխարհի լավագույններից է, ինչու՞ պիտի վարձակալությամբ այլ ակումբ տեղափոխվի»
24/01/2020 - 13:26
Մադրիդի «Ռեալի» վինգեր Գարեթ Բեյլի գործակալ Ջոնաթան Բարնեթը խոսել է ուելսցի խաղացողի վարձակալական հիմունքներով այլ ակումբ տեղափոխվելու մասին․
«Նա աշխարհում լավագույններից մեկն է, ինչու՞ նա պիտի վարձակալությամբ այլ ակումբ տեղափոխվի։ Դա պարզապես ծիծաղելի է։
Ամեն ինչ կարող է տեղի ունենալ, սակայն վարձակալությունն այս պահին տարօրինակ կթվա։ Բեյլը երջանիկ է Մադրիդում և հուսով եմ, որ նա «Ռեալի» հետ ևս մի քանի գավաթ կնվաճի»,- Բարնեթի խոսքերը մեջբերում է Sky Sports-ի լրագրող Բրայան Սուոնսոնը։
Հիշեցնենք, որ վերջերս տեղեկատվություն էր տարածվել, որ Լոնդոնի «Տոտենհեմը» և «Ռեալը» սկսել են բանակցել խաղացողի տրանսֆերի վերաբերյալ։ Ըստ որոշ աղբյուրների՝ լոնդոնյան ակումբը պատրաստ է վարձակալել խաղացողին։
# Գարեթ-Բեյլ, Ռեալ Մադրիդ, Տոտենհեմ, տրանսֆերներ