Գաբի․ «Լիվերպուլը թերագնահատել էր Ատլետիկոյին»
«Ատլետիկոյի» նախկին ավագ Գաբին մեկնաբանել է Չեմպիոնների լիգայի 1/8 եզրափակչի շրջանակում «Ատլետիկոյի» տարած հաղթանակը «Լիվերպուլի» նկատմամբ։ Հիշեցնենք, որ դիմակայության առաջին խաղում մադրիդյան ակումբը Սաուլի խփած գոլի շնորհիվ հաղթել է նվազագույն՝ 1։0 հաշվով։
«Սա հիանալի արդյունք է։ Ես հերթական անգամ փշաքաղվեցի, երբ տեսա, թե ինչպես է թիմի ավտոբուսը մոտենում մարզադաշտին, թե ինչպես են երկրպագուներն աջակցում թիմին։
Թվում է՝ «Լիվերպուլի» խաղացողները կարծում էին, որ ժամանել են «Պուերտո Բոնիտայի» դեմ մրցելու։ Նրանք թերագնահատել էին «Ատլետիկոյին», և այդ փաստը ինձ հունից հանեց»,- մեջբերում է Marca-ն։
Հիշեցնենք, որ Գաբին «Ատլետիկոյի» գույները պաշտպանել է 2011-2018 թթ, իսկ այժմ հանդես է գալիս Քաթարը ներկայացնող «Ալ-Սաադի» կազմում, որի գլխավոր մարզիչն է Խավին։
# Ալ-Սաադ, Ատլետիկո Մադրիդ, Գաբի, Լիվերպուլ, Խավի, Չեմպիոնների-լիգա