Բրազիլիայի հավաքականը գերվստահ հաղթանակով մեկնարկեց Կոպան🎥
Հունիսի 14-ին` Երևանի ժամանակով 1:00-ից մեկնարկեց նաև Կոպա Ամերիկայի խաղարկությունը։
Մրցաշարի բացման խաղում Բրազիլիայի հավաքականը մրցեց Վենեսուելայի հավաքականի դեմ` տանելով 3:0 հաշվով գերվստահ հաղթանակ։
Ողջ հանդիպման ընթացքում Տիտեի սաներն ունեին հսկայական առավելություն և որևէ շանս չտվեցին մրցակցին, որը ոչ մի գոլային պահ չստեղծեց Ալիսոն Բեկերի պաշտպանած դարպասի ուղղությամբ։
«Պենտակամպեոնների» կազմից մեկական անգամ աչքի ընկան Մարկինիոսը, Նեյմարն ու Գաբրիել Բարբոսան` Գաբիգոլը։
Բրազիլիայի հավաքականն այս հաղթանակի շնորհիվ միանգամից գլխավորեց B խմբի մրցաշարային աղյուսակը։
Այս խմբում տեղի է ունեցել ևս մեկ խաղ. Կոլումբիան Էդվին Կարդոնայի միակ գոլի շնորհիվ 1:0 հաշվով հաղթել է Էկվադորի ընտրանուն։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am