Բելոտին Հայաստանի հավաքականի հետ հանդիպման մասին. Կարող էինք ավելի շատ խփել

Իտալիայի հավաքականի հարձակվող Անդրեա Բելոտին մեկնաբանել է ԵՎՐՈ-2020-ի որակավորման փուլի շրջանակում Հայաստանի հավաքականի նկատմամբ տարած հաղթանակը (3:1):

«Հավաքականի կազմում հանդես գալն ինձ համար ինչ-որ կարևոր բան է: Մեծ պատիվ է այստեղ գտնվելը և երբ մեզ հաջողվում է խփել, դա յուրաքանչյուրի շնորհիվ է:

Չեմ ցանկանում կանգ առնել: Գոհ եմ նրանից, թե ինչպես է անցնում առաջնությունը և ԵՎՐՈ-2020-ի որակավորման փուլը:

Ես անում եմ այն ամենը, ինչ խնդրում է մարզիչը: Ինձ անհրաժեշտ է ապացուցել իմ արժեքը, եթե հնարավորություն է ընձեռվում: 

Հանդիպման սկզբում մեզ համար դժվար էր, գիտեինք, որ դժվար է լինելու: Նրանք լավ պայմաններում էին: Սակայն մենք կարող էինք և ավելի շատ խփել:»,- Բելոտիի խոսքերն է մեջբերում La Gazzetta dello Sport-ը: