Բարսելոնան վստահ խաղով հաղթեց Օսասունային` դուրս գալով Իսպանիայի Սուպերգավաթի եզրափակիչ 🎥

Իսպանիայի Սուպերգավաթի կիսաեզրափակիչ երկրորդ դիմակայությունում Սաուդյան Արաբիայի մայրաքաղաք Էր Ռիյադում միմյանց դեմ մրցեցին «Բարսելոնան» ու «Օսասունան»։

Հանդիպման ողջ ընթացքում «բլաուգրանան» ուներ խաղային լուրջ առավելություն` հաղթելով 2:0 հաշվով։

Խավիի թիմին հաղթանակ պարգևեցին Ռոբերտ Լևանդովսկին ու Լամին Յամալը, ովքեր աչքի ընկան համապատասխանաբար 59-րդ ու 90+3-րդ րոպեներին։

Այսպիսով, «Բարսելոնան» դուրս եկավ Իսպանիայի Սուպերգավաթի եզրափակիչ, որի շրջանակում հունվարի 14-ին կմրցի «Ռեալ Մադրիդի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am