Բարսելոնան սահմանել է Ֆերրան Տորեսի հրաժարագինը

«Բարսելոնան» պատրաստ է վաճառել թիմի հարձակվող Ֆերրան Տորեսին։

Culemanía-ն, հղում կատարելով AS-ի լրագրող Խավի Միգելին, հայտնում է, որ իսպանացի հարձակվողն այն ֆուտբոլիստներից մեկն է, որից «բլաուգրանան» ցանկանում է բաժանվել։

Աղբյուրի փոխանցմամբ` 23-ամյա ֆուտբոլիստը չի մտնում «կապտանռնագույնների» գլխավոր մարզիչ Խավիի ծրագրերում։

Նշվում է նաև, որ Տորեսի վաճառքից «Բարսելոնան» ցանկանում է վաստակել նվազագույնը 25 մլն եվրո։

Հատկանշական է, որ կատալոնական ակումբը Տորեսի տրանսֆերի դիմաց 2022 թ. հունվարին «Մանչեսթեր Սիթիին» վճարել է 55 մլն եվրո։

Հավելենք, որ իսպանացի հարձակվողը «Բարսելոնայի» կազմում մինչ օրս անցկացրել է 64 հանդիպում` դառնալով 14 գոլի և 8 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am