Բարսելոնան բավական մեծ գումար է պարտք Լիվերպուլին Կոուտինիոյի տրանսֆերի դիմաց

Ինչպես տեղեկանում ենք «Բարսելոնայի» պաշտոնական կայքից, կատալոնական ակումբը դեռևս ամբողջությամբ չի վճարել «Լիվերպուլին» Ֆիլիպե Կոուտինիոյի տրանսֆերի դիմաց։

Ըստ ակումբի ներկայացրած ֆինանսական հաշվետվության տվյալների՝ «կապտանռնագույնները» «Լիվերպուլին» պետք է վճարեն 29․254 մլն եվրո։

Հիշեցնենք, որ բրազիլացի ֆուտբոլիստը «Բարսելոնա» է տեղափոխվել 2018 թվականի հունվարի 8-ին։ Գործարքն արժեցել է 120+40մլն եվրո։ Այն նախատեսված է մինչև 2023 թվականի հունիսի 30-ը։

Ընթացիկ մրցաշրջանում Լա լիգայի և Չեմպիոնների լիգայի մրցաշարերը միասին վերցրած՝ Կոուտինիոն «Բարսելոնայի» կազմում մասնակցել է 14 հանդիպման՝ դառնալով 3 գոլի և 2 գոլային փոխանցման հեղինակ։