Բարսելոնան պաշտոնապես հռչակվեց Իսպանիայի չեմպիոն ?

Իսպանական Լա լիգայի 35-րդ տուրում «Բարսելոնան» հյուրընկալել էր «Լևանտեին»: Կատալոնական թիմը հաղթեց 1:0 հաշվով՝ Լա լիգայի ավարտից 3 տուր առաջ ապահովելով չեմպիոնի կոչումը:

Միակ գոլը հանդիպման 62-րդ րոպեին խփել է Լիոնել Մեսսին:

Էռնեստո Վալվերդեի գլխավորած թիմը Լա լիգայի վերջին 3 տուրերից առաջ անհասանելի է դառնում «Աթլետիկոյի» համար՝ առաջ լինելով 9 միավոր: Անձնական խաղերում կատալոնացիներն առավելություն ունեն:

«Բարսելոնան» պատմության մեջ 26-րդ անգամ հռչակվում է Իսպանիայի չեմպիոն: