«Բարսելոնան» պայմանագիր է համաձայնեցրել Նիկո Վիլիամսի հետ

«Բարսելոնան» ակտիվ քայլեր է ձեռնարկում` Բիլբաոյի «Ատլետիկի» վինգեր Նիկո Վիլիամսին ձեռք բերելու համար, հայտնում է ինսայդեր Ֆաբրիցիո Ռոմանոն։

«Բլաուգրանան» 22-ամյա ֆուտբոլիստի հետ պայմանագիր է համաձայնեցրել, որն ուժի մեջ կլինի մինչև 2031 թ. հունիսի 30-ը ներառյալ։

Եթե Իսպանիայի ազգային հավաքականի ֆուտբոլիստի տեղափոխությունը կայանա, նա կատալոնական ակումբում կվաստակի տարեկան 6-7 միլիոն եվրո աշխատավարձ։

Այժմ «կապտանռնագույնները» տրանսֆերի հարցում բանակցում են և փորձում են լուծումներ գտնել Վիլիամսի` 58 միլիոն եվրո հրժարագնի վճարման հարցում։

Երիտասարդ ֆուտբոլիստը ցանկանում է տեղափոխվել միայն «Բարսելոնա» ու կմերժի այլ ակումբներից ստացած առաջարկները։

Նիկո Վիլիամսն «Ատլետիկում» 167 խաղում 31 գոլ է խփել, կատարել 30 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից