Բարսելոնան հետաքրքրված է Լաուտարո Մարտինեսի ծառայություններով

Ինչպես տեղեկացնում է Calciomercato -ն, կատալոնական «Բարսելոնան» շարունակում է հետաքրքրություն ցուցաբերել Միլանի «Ինտերի» արգենտինացի կենտրոնական հարձակվող Լաուտարո Մարտինեսի ծառայություններով։

Կապտանռնագույնները 22-ամյա հարձակվողի ծառայություննեով սկսել են հետաքրքրվել են դեռևս նախորդ մրցաշրջանից, երբ Լաուտարոն սկսեց արդյունավետ խաղ ցուցադրել «Ինտերի» և Արգենտինայի հավաքականի կազմում։

Թիմի մարզչական կազմը կարծում է, որ Մարտինեսն ի վիճակի է փոխարինել Լուիս Սուարեսին, ում 33-ամյակը կլարանա 3 ամսից։

Լեո Մեսսին նույնպես տվել է իր հավանությունն այս տրանսֆերին։