Բարսելոնան կողմնորոշվել է հաջորդ մարզչի հարցում

Ինչպես տեղեկացնում է TNT Sport-ը` «Բարսելոնայի» հաջորդ գլխավոր մարզիչը կարող է դառնալ արգենտինական «Ռիվեր Փլեյթի» գլխավոր մարզիչ Էդուարդո Գալյարդոն։

Ըստ աղբյուրի կատալոնական ակումբի ղեկավարությունն արդեն կապնվել է մասնագետի հետ, սակայն մերժում է ստացել` պատճառաբանելով, որ մինչև տարեվերջ կենտրոնացած է լինելու արգենտինական թիմի ելույթների վրա։

Կատալոնական ակումբի ղեկավարությունը պատրաստ է հեռացնել Էտնեստո Վալվերդեին, եթե մոտ ժամանակներս թիմի ելույթները չբարելավվեն։

«Բարսան» Լա Լիգայի ընթացիկ մրցաշրջանում 7 տուրից հետո 4-րդ տեղում է հավաքած 13 միավորով։