Բարսելոնան կապ է հաստատել Լիոնի հարձակվողի հետ

«Բարսելոնան» լրջորեն մտածում է ամրապնդել հարձակման գիծը, քանի որ այլևս հույսեր չի կապում կենտրանական հարձակվող Լուիս Սուարեսի հետ։

Կատալոնական ակումբը սկսել է հետքրքրվել «Լիոնի» հարձակվող Մուսա Դեմբելեի ծառայություններով։

Ինչպես տեղեկացնում է Sky Sports Italia լրագրող Ջիանլուկա դի Մարցիո, «կապտանռնագույնների» երկրորդ մարզիչ Հենրիկ Լարսոնն արդեն կապ է հաստատել 24-ամյա ֆրանսիացի հարձակվողի ներկայացուցիչների հետ։

Ավարտված մրցաշրջանում Դեմբելեն «Լիոնի» կազմում բոլոր մրցաշարերի շրջանակում մասնակցել է 46 հանդիպման՝ դառնալով 24 գոլի հեղինակ։