Բավարիան անկասելի է` նվաճելով 1/8 եզրափակիչի ուղեգիր🎥
03/11/2021 - 01:55
Չեմպիոնների լիգայի խմբային փուլի 4-րդ տուրում «Բավարիան» E խմբի շրջանակում սեփական հարկի տակ մրցեց «Բենֆիկայի» դեմ։
Հանդիպման մեծ մասում Յուլիան Նագելսմանի թիմն ուներ տարածքային ու խաղային լուրջ առավելություն, ինչն էլ նպաստեց, որ մյունխենյան ակումբը հաղթեց 5:2 հաշվով։
Տանտերերի կազմից հեթ-տրիկի հեղինակ դարձավ Ռոբերտ Լևանդովսկին, մեկական անգամ էլ աչքի ընկան Սերժ Գնաբրի ու Լերոյ Սանեն։
«Բենֆիկայի» գոլերն էլ խփեցին Մորատոն ու Դարվին Նունյեսը։
Այս խմբում կայացել է ևս մեկ հանդիպում.
«Դինամո Կիև» 0:1 «Բարսելոնա»
4-րդ տուրից հետո E խումբն ունի հետևյալ տեսքը.
- «Բավարիա» – 12 միավոր
- «Բարսելոնա» – 6 միավոր
- «Բենֆիկա» – 4 միավոր
- «Դինամո Կիև» – 1 միավոր
Այսպիսով, «Բավարիան» նվաճեց Չեմպիոնների լիգայի 1/8 եզրափակիչի ուղեգիր։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am