ԱՊԼ-ն արգելել է խաղերից առաջ ձեռքսեղմումները

Անգլիական Պրեմիեր լիգան ժամանակավորապես դադարեցրել է խաղերից առաջ խաղացողների և մրցավարների միջև ձեռքսեղմումները։ Այս ամենը պայմանավորված է կորոնավիրուսի զարգացումը կանխելու համար։

«Սկսած այս weekend-ից՝ նախքան բժիշկների հավելյալ թույլտվությունը, խաղացողների և մրցավարների միջև ձեռքսեղմումներ տեղի չեն ունենա։ Կորոնավիրուսը տարածվում է օդակաթիլային ճանապարհով և կարող է փոխանցվել նաև ձեռքսեղմումների ժամանակ։

Խաղացողները, նախկինի պես, խաղերից առաջ խաղադաշտ կմտնեն Պրեմիեր լիգայի պաշտոնական հիմնի ներքո, այնուհետև սեփական հարկի տակ հանդես եկող ֆուտբոլիստները կանցնեն հյուրերի դիմացով, սակայն ձեռքսեղմումներ տեղի չեն ունենա»,- նշվում է ԱՊԼ-ի պաշտոնական հայտարարությունում։