Պաշտոնական․ Ինիեստան երկարաձգեց պայմանագիրը Վիսել Կոբեի հետ

Ինչպես տեղեկացնում է ճապոնական «Վիսել Կոբեի» պաշտոնական կայքը, ակումբը նոր պայմանագիր է կնքել Անդրես Ինիեստայի հետ։

Աղբյուրի փոխանցմամբ՝ ըստ նոր պայմանագրի՝ 37-ամյա ֆուտբոլիստը ակումբում կմնա մինչև 2023 թվականի հունիսի 30-ը։

Հիշեցնենք, որ Անդրես Ինիեստան իր կարիերայի մեծ մասը՝ 2002-2018 թթ․ հանդես է եկել «Բարսելոնայի» կազմում։ 2018-ին իսպանացի կիսապաշտպանը համալրեց ճապոնական ակումբի շարքերը, որի կազմում մինչ այս պահն անցկացրել է 77 հանդիպում՝ դառնալով 16 գոլի և 18 գոլային փոխանցման հեղիակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am