Անգլիայի կատարյալ ձախողումը. Հունգարիան ջախջախեց «երեք առյուծներին»🎥

Ազգերի լիգայի A դիվիզիոնի 3-րդ խմբում` Վուլվերհեմպտոնի «Մոլինիո» մարզադաշտում, միմյանց դեմ մրցեցին Անգլիայի ու Հունգարիայի հավաքականները։

Առաջ ընկնելով` նշենք, որ գերխոշոր անակնկալ գրանցվեց, ու Հունգարիայի հավաքականը պարզապես ֆուտբոլային ապտակ հասցրեց Անգլիային և հաղթեց 4:0 հաշվով։

Մարկո Ռոսիի թիմի կազմից դուբլի հեղինակ դարձավ Ռոլանդ Շալայը, մեկական անգամ էլ աչքի ընկան Ժոլտ Նագին ու Դանիել Գազդագը։

A դիվիզիոնի 3-րդ խմբում կայացավ ևս մեկ հանդիպում.

Գերմանիա 5:2 Իտալիա

Խումբը 4-րդ տուրից հետո ստացավ հետևյալ տեսքը.

1. Հունգարիա – 7 միավոր
2. Գերմանիա – 6 միավոր
3. Իտալիա – 5 միավոր
4. Անգլիա – 2 միավոր

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am