Անգլիական գրանդը կապվել է Օսիմենի գործակալի հետ

«Նապոլիի» հարձակվող Վիկտոր Օսիմենը, հնարավոր է, ընթացիկ ամառային տրանսֆերային պատուհանի ժամանակ փոխի ակումբային գրանցումը։

Ինչպես տեղեկացնում է Football Italia-ն, «Լիվերպուլը» կապվել է նիգերացի հարձակվողի գործակալ Ռոբերտո Կալենդայի հետ, որպեսզի բանակցություններ սկսի` 24-ամյա ֆուտբոլիստին ձեռք բերելու համար։

Աղբյուրի փոխանցմամբ` մերսիսայդյան ակումբը տեղյակ է, որ «Նապոլին» Օսիմենի վաճառքից ցանկանում է վաստակել նվազագույնը 180 մլն եվրո։

Նեապոլիտանական ակումբը Օսիմենին վաճառելու համար համապատասխան առաջարկի է սպասում։

Նշվում է, որ «աձուրիների» ղեկավարները մշտապես կապի մեջ են Կալենդայի հետ` փորձելով հասկանալ, թե որ ակումբներն են նիգերիացի ֆուտբոլիստին ձեռք բերելու հարցում հստակ քայլեր ձեռնարկում։

Ավելի վաղ կային տեղեկություններ, որ Օսիմենին իրենց շարքերում են ցանկանում տեսնել նաև ՊՍԺ-ն, «Մանչեսթեր Յունայթեդն» ու «Բավարիան»։

Հավելենք, որ Ա սերիայի ավարտված մրցաշրջանում Վիկտոր Օսիմենն անցկացրած 32 խաղում խփեց 26 գոլ և դարձավ առաջնության լավագույն ռմբարկու` օգնելով «Նապոլիին» 33 տարվա դադարից հետո նվաճել չեմպիոնի տիտղոսը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am