Ամենաթանկարժեք ֆուտբոլիստները՝ ըստ CIES-ի

Սպորտային հետազոտությունների միջազգային կենտրոնը ներկայացրել է աշխարհի ամենաթանկարժեք ֆուտբոլիստների նոր ցանկը, ովքեր հանդես են գալիս եվրոպական թոփ 5 առաջնություններում։

Ըստ կենտրոնի՝ աշխարհի ամենաթանկ ֆուտբոլիստը ՊՍԺ-ի 20-ամյա հարձակվող Կիլիան Մբապեն է, ում գնահատում են 265,2 մլն եվրո։ Երկրորդը «Մանչեսթեր Սիթիի» վինգեր Ռահիմ Սթերլինգն է 223,7 մլն եվրոյով, իսկ երրորդը «Լիվերպուլի» աստղ Մոհամեդ Սալահը, ով գնահատվում է 175,1 մլն եվրո։

Լավագույն յոթնյակի մեջ են հայտնվել նաև Դորտմունդի «Բորուսիայի» անգլիացի եզրային Ջեյդոն Սանչոն (168,9 մլն եվրո), «Լիվերպուլի» ձախ հարձակվող Սադիո Մանեն (155,6 մլն եվրո), «Տոտենհեմի» գոլահար Հարի Քեյնը (150,5  մլն եվրո), ինչպես նաև «Մանչեսթեր Յունայթեդի» երիտասարդ հարձակվող Մարկուս Ռեշֆորդը (134,3մլն եվրո):

Կատալոնակնան «Բարսելոնայի» ավագ Լիոնել Մեսսին ցուցակում 8-րդն։ Ըստ CIES-ի՝ արգենտինացու արժեքը կազմում է 125,5 մլն եվրո։ Տասնյակը եզրափակել են Անտուան Գրիզմանն ու Լատուարո Մարտինեսը, որոնց տրանսֆերային արժեքը համապատասխանաբար կազմում է 123,6 և 115,7 մլն եվրո։

Թուրինի «Յուվենտուսի» հարձակվող Կրիշտիանու Ռոնալդուն հայտնվել է 49-րդ հորիզոնականում։ Վերլուծաբանները նրա արժեքը գնահատում են 80,3 մլն եվրո։

CIES-ի չափանիշներով ամենաթանկարժեք դարպասապահը «Լիվերպուլը» ներկայացնող Ալիսոնն է, ում գնահատում են 87,6 մլն եվրո։